قانداق نىكاھ دۇرۇس ئەمەس؟

ramizan

	ئەسسالامۇ ئەلەيكۇم، مەن بىر قىزنى ياخشى كۆرگەن، ئۇمۇ مېنى ياخشى كۆرگەن. ئەمما ئاتا-ئانىسى ئۇنى بالدۇرلا ياتلىق قىلىشقا ئالدىرىدى، شۇ چاغدا كىچىك بولغاچ، مەن ئاتا-ئانامغا بۇ ھەقتە ئېغىز ئاچالمىدىم، ئېغىز ئاچساممۇ توسۇپ قويۇشى ئېنىق ئىدى. شۇنىڭ بىلەن ئۇ ئامالسىز باشقا بىر ئەرگە ياتلىق بولدى. كېيىن ئۇنى ئۇنتۇشقا تىرىشتىم، لېكىن مۇمكىن بولمىدى، قەلبىمدە ساقلاپ كەلدىم، بىر ئىككى قېتىم ئۆزۈمنى تۇتالماي ئۇنىڭغا تېلفۇنمۇ قىلدىم، كېيىن خېلى ئۇزۇن مەزگىل ئىزدىمىدىم، تاكى ئالىي مەكتەپنى پۈتتۈرۈپ يېڭىدىن جەمىيەتكە ئارىلىشىشقا باشلىغان ۋاقىتلىرىمدا، ئۇنىڭ بىلەن توردا يەنە ئۇچرىشىپ قالدىم. ئۇمۇ ناھايىتى ئۇزاق ئىككىلىنىشلەردىن كېيىن مېنى ئىزدىگەنلىكىنى ئېيتتى. مەن ئۇنى چۈشىنىمەن، ئۇ شاللاق ئاياللاردىن ئەمەس، ئۇنىڭ يېزىقچىلىق ھەۋىسى بار ئىدى، دەسلەپ ئۇنىڭغا دوستانە ياردەملەردە بولدۇم، مەسلىھەتلەرنى بەردىم، بارا بارا يەنە بۇرۇنقى ئۆچمىگەن چوغلار كۆيۈشكە باشلىدى. ئىشىنىمەن ھەر ئىككىمىز ساپ كۆڭۈللۈك بىلەن بىر-بىرىمىزنى ياخشى كۆرگەن، ئۇ ماڭا ئاجرىشىش نىيتى بارلىقىنى ئېيتقاندا، مەنمۇ تاكى ھازىرغىچە ئۇنى قەلبىمدە ساقلىغانلىقىمنى، مەيلى قانداقلا بولسىمۇ ئۇنى يەنىلا بۇرۇنقىدەك ياخشى كۆرىدىغانلىقىمنى ئېيتتىم. ئۇ دەسلەپ مەن سىز ئۈچۈن ئەمەس، ئۈزۈم ئۈچۈن ئاجرىشىمەن، مەن ئەدى سىزگە ماس كەلمەيمەن. بۇ ئۆيدە پەقەتلا تۇرغۇچىلىكىم قالمىدى، ھەممە نەرسەم تەل، لېكىن يات ئادەمدەكلا دېدى.. مەن ئەگەر ئاجراشساڭلا مەن سېنى ئىزدەپ بارىمەن دېدىم. شۇنداق قىلىپ ئۇمۇ ئاجراشقان بولدى، مەن بۇ نىيتىمنى ئاتا-ئانامغا ئېيتقاندا ئۇلارنىڭ قوشۇلماسلىقى ئېنىق. سورايدىغىنىم: بىر ئەردىن ئاجراشتۇرۇپ ئالغان ئايالغا قانچىلىك نىكاھ ئوقۇسىمۇ نىكاھ يۇقمايدۇ دەيدىغان ھەدىس بارمۇ؟ يۇقارقى ئەھۋالدا مەنمۇ ئۇنى ئېرىدىن ئاجراشتۇرۇپ ئالغان ھېسابلىنامدىم؟ قانداق نىكاھ دۇرۇس ئەمەس؟سو'ئالنىڭ ئېنىق بولۇشى ئۈچۈن بەك تەپسىلىي سۆزلەپ كەتتىم، توغرا چۈشىنىپ، توغرا يول كۆرسىتىشىڭلارغا مۇھتاجمەن.

ئەبگاھ

	ياخشىسى باشقىلارنىڭ ئۆيىنى بۇزماڭ. ئەردىن ئاجراشقان ئايال 100كۈن ئىددەت تۇتقاندىن كىيىن يەنە ياتلىق بولسا بولىدۇ.

akarakash

	ۋە ئەلەيكۇم ئەسسالام قېرىندىشىم سىز يۇقىرىدا بېشىڭىزدىن ئۆتكەن ۋەقەلىكنى ئەستايىدىل ئوتتۇرىغا قويۇشقا تىرىشىپسىز. ئاللاھ كەمچىلىكلىرىمىزنى ئەپۇ قىلسۇن! بۇ مۇناسىۋەت دەسلىپىدە بالىلارچە ساپ ھېس - تۇيغۇ بىلەن باشلىنىپ، ۋاقىتنىڭ ئۆتۈشى بىلەن، بولۇپمۇ ئالى مەكتەپنى پۈتتۈرگەندىن كېيىن قەلبىڭىزدىكى چوغ لاۋىلداپ ئىسلام دىنىغا زىت بولغان بىر تۈسنى ئالغان... ئەسلىدە ئۇ قىز باشقا بىرى بىلەن توي قىلىپ ئۆي تۇتۇپ بولغاندىكىن، سىزنىڭ ئۇنى ئىزدىمەسلىكىڭىز كېرەك ئىدى، شۇنداقلا ئۇ قىزنىڭمۇ سىزنى ئىزدەپ يۈرمەسلىكى كېرەك ئىدى. ئىزدەپ، تېپىشىپ، تېلىفونلىشىپ، پاراڭلاشقاندىن كېيىن ھېسسىياتچانللىقى باي بولغان ئايال تەبىئىتىدە بولغۇنۇش مەيدانغا كەلگەن گەپ. بەلكىم بۇرۇنمۇ ئەر-ئايال ئوتتۇرىسدا مۇناسىۋەت ياخشى بولمايۋاتقان بولۇشى مۇمكىن. ئەمما ئۇ، مۇناسىۋەتنى ياخشىلاپ، ئائىلىنى ۋەيران قىلماسلىقنىڭ كۇيىغا كىرىشنىڭ ئورنىغا توربەتلەرنى ئارىلاپ يۈرۈپ، باشقا ئىشلار بىلەن شۇغۇللانغان! ئەسلىدە بىز مۇسۇلمان ئېسىمىزدىن چىقىرىپ قويغان ياكى ھېچ ئۆگەنمىگەن بىر ئايەتتە مۇنداق دېيىلىدۇ: «ﺯﯨﻨﺎﻏﺎ ﻳﯧﻘﯩﻨﻼﺷﻤﺎﯕﻼﺭ، ﭼﯜﻧﻜﻰ ﺋﯘ ﻗﻪﺑﯩﮭ ﺋﯩﺸﺘﯘﺭ، ﻳﺎﻣﺎﻥ ﻳﻮﻟﺪﯗﺭ» (ﺋﯩﺴﺮﺍ ﺳﯜﺭﯨﺴﻰ، 32-ﺋﺎﻳﻪﺕ). http://www.uighurislam.net/thread-710-1-1.html بۇ ھەقتە مۇنۇ يازمىغا قاراپ بېقىڭ: http://www.uighurislam.net/forum.php?mod=viewthread&tid=2257&page=1&authorid=3120 (ناھايىتى ئەپسۇسكى بۇ تور تەرەققىي قىلغان بۈگۈنكى جەمىئىيەتنىڭ ئېغىر كېسەللىكلىرىدىن بىرى! ئەر-ئاياللار بۇنىڭغا ئالاھىدە دىققەت قىلىشى لازىم!) ئاخىرقى ھېساپتا سىزنىڭ سوئالىڭىزدىنمۇ چىقىپ تۇرغىنىدەك ئىككىڭلارنىڭ ناتوغرا مۇناسىۋىتى تۈپەيلى ئۇ قىز ئېرىدىن ئايرىلىپ ئولتۇرۇپتۇ. بۇ جەرياندا سىزنىڭ مەسئۇلىيتىڭىز ئېغىردەك كۆرۈنىدۇ. چۈنكى سىز ئۇنىڭغا ئۈمىت ئىلھام بېغىشلىغان. مۇنۇ ئىپادىلىرىڭىز شۇنى كۆرسىتىپ تۇرىدۇ: "ئۇ ماڭا ئاجرىشىش نىيتى بارلىقىنى ئېيتقاندا، مەنمۇ تاكى ھازىرغىچە ئۇنى قەلبىمدە ساقلىغانلىقىمنى، مەيلى قانداقلا بولسىمۇ ئۇنى يەنىلا بۇرۇنقىدەك ياخشى كۆرىدىغانلىقىمنى ئېيتتىم. ئۇ دەسلەپ مەن سىز ئۈچۈن ئەمەس، ئۈزۈم ئۈچۈن ئاجرىشىمەن، مەن ئەدى سىزگە ماس كەلمەيمەن. بۇ ئۆيدە پەقەتلا تۇرغۇچىلىكىم قالمىدى، ھەممە نەرسەم تەل، لېكىن يات ئادەمدەكلا دېدى.. مەن ئەگەر ئاجراشساڭلا مەن سېنى ئىزدەپ بارىمەن دېدىم." ئەمدە سوئالىڭىزغا كەلسەك: 1- بىر ئەردىن ئاجراشتۇرۇپ ئالغان ئايالغا قانچىلىك نىكاھ ئوقۇسىمۇ نىكاھ يۇقمايدۇ دەيدىغان ھەدىس بارمۇ؟ 2- يۇقارقى ئەھۋالدا مەنمۇ ئۇنى ئېرىدىن ئاجراشتۇرۇپ ئالغان ھېسابلىنامدىم؟ 3- قانداق نىكاھ دۇرۇس ئەمەس؟ ھۆرمەتلىك قېرىندىشىم -"بىر ئەردىن ئاجراشتۇرۇپ ئالغان ئايالغا قانچىلىك نىكاھ ئوقۇسىمۇ نىكاھ يۇقمايدۇ" دەيدىغان بىر ھەدىسنى مەن تاپالمىدىم. قېرىنداشلىرىمىزدىن بۇنداق بىر ھەدىسنى كۆرگەنلەر بولسا ماڭىمۇ يوللاپ بەرسە سۆيىنىمەن. -بىر جەھەتتىن ئېلىپ ئېيتقاندا سىز ئۇنىڭ ئايرىلىشىغا سەۋەب بولغاندەك تۇرىسىز. چۈنكى سىز ئۇنىڭغا ئۈمىت بېغىشلىغاندىن سىرت، ئېنىق ھالدا ئاجراشساڭ، مەن سەن بىلەن توي قىلىمەن دېگەن چۈشەنچىنى ئۇنىڭ كاللىسىدا پەيدا قىلىپسىز. -قانداق نىكاھنىڭ دۇرۇس بولىدىغانلىقى ھەققىدە مەن سىزگە بىر نەچچە تېما تەۋسىيە قىلاي شۇلارنى ئەستايىدىل ئوقۇپ چىقىڭ: 1-http://www.uighurislam.net/thread-1178-1-1.html 2-http://www.uighurislam.net/thread-347-1-1.html ئەڭ توغرىسىنى بىلگۈچى ئاللاھ تەئالادۇر.

ئەبگاھ

	ئەسسالامۇ ئەلەيكۈم ئەزىز قېرىندىشىم «ئاللاھ ئاجرىشىشنى ھالال قىلدى، ئەمما ، ئاجرىشىش - ئاللاھ ئەڭ ياقتۇرمايدىغان ھالال ئىشتۇر». سىز بۇھەدىسنى ئاڭلىغان ياكى كۆرگەنمۇ؟

akarakash

	ئەبگاھ يوللىغان ۋاقتى  2012-1-29 00:12 ئەسسالامۇ ئەلەيكۈم ئەزىز قېرىندىشىم «ئاللاھ ئاجرىشىش ... ۋە ئەلەيكۇم ئەسسالام قېرىندىشىم شۇنداق قېرىندىشىم، مەن ئۇ ھەدىسنى كۆرگەن.